Rregullore (ME) Nr.xx/2022 Për Pajisjet e Transportueshme nën Presion

Qëllimi i kësaj Rregullore është të përcaktoj: 1.1. Obligimet e prodhuesve, importuesve, shpërndarësve, pronarëve dhe operatorëve në lidhje me pajisjet e transportueshme nën presion; 1.2. Mënyrën e emërimit të përfaqësuesit të emëruar dhe detyrat që mund të kryejë në bazë të emërimit, kërkesat për vlerësimin e konformitetit, metodat e vlerësimit të konformitetit dhe rivlerësimit, rregullat, kushtet, pamjen dhe kërkesat për vendosjen e shenjës së konformitetit, mënyrën e emërimit të trupave që kryejnë vlerësimin e konformitetit, procedurat e testimit dhe kontrollit, kërkesat në lidhje me kualifikimet profesionale të punonjësve dhe personave të tjerë të angazhuar në trupat e vlerësimit të konformitetit, 1.3. Pajisjet për vlerësim, pavarësinë dhe paanshmërinë në lidhje me personat e lidhur me produktin që i nënshtrohet vlerësimit të konformitetit, trajtimin e kundërshtimeve ndaj punës dhe vendimet e trupave të vlerësimit të konformitetit, mbajtja e sekreteve të biznesit dhe sigurimi ndaj përgjegjësisë për dëme, si dhe trajtimi i pajisjeve nën presion që paraqesin kërcënim për sigurinë, shëndetin e njerëzve dhe mbrojtjen e mjedisit.